ILOILO CITY – Indi pabor si Senator Imee Marcos sa proposal nga ipaiway ang 2022 barangay and Sangguniang Kabataan elections tubtob sa masunod nga tuig.
Apang ginpahayag niya nga ibilin niya ang pinal nga desisyon sa Senate panel.
Suno sa senadora, para sa iya, indi maayo nga i-postpone ang election bangud nga nagpangako ang senado kay anay Senador Franklin Drilon sang 18th Congress nga amo na ato ang katapusan nga postponement.
Si Marcos amo ang chairperson sang Senate electoral reforms committee.
Sang nagligad nga semana, gin-aprubahan sang House Suffrage and Electoral Reforms committee ang pagpa-iway sang election sa December 5, 2022 kag sayluhon sa December 4, 2023.
Una na nga ginpahayag sang National Citizens’ Movement for Free Elections (NAMFREL) nga nagapamatuk sila sa amo nga postponement.
