ILOILO CITY – Ginpahayag sang defense ministry sang Russia nga nagpalibot sa neutral waters sang Sea of Japan ang duha ka mga Russian strategic bombers.
Una naman nga ginpahayag sang South Korea nga nakasulod sa ila air defense identification zone ang Russian forces.
Ini ang nagdugay sang ginabanta pito ka oras kag ang mga Russian planes ang gin-updan sang South Korean F-16s sa pila ka mga stages sang ruta.
Suno sa military sang South Korea, ang mga Russian warplanes ang nagsulod sa ila nga air defense identification zone (ADIZ) kag bilang balos, naghimo sang kinaandan nga tactical measures ang pungsod.
Ang warplanes sang Russia kag China ang masami nga nagasulod sa zone sang nagliligad nga mga tinuig apisar sang nagapadayon nga pag-inagaway sang nanari-sari nga mga zona.
Indi kaangay sang airspace, ang ADIZ ang masami area sa diin ang mga pungsod ang mahimo nga mag-demand nga ang mga foreign aircraft ang magahimo sang tikang agud nga ma-identify ang ila kaugalingon apisar nga wala sang nagaka-igo nga koordinasyon kag wala sang international laws nga naga-govern sang ADIZ.
Wala man ginakilala sang Russia ang ADIZ sang South Korea.
Suno naman sa China, ang area ang indi territorial airspace kag bisan ano nga pungsod ang mahimo nga mag-enjoy sang kahilwayan sa paghulag sa amo nga lugar.
