ILOILO CITY – Ginsapol ni President Ferdinand Marcos Jr. ang mga opisyal sang National Food Authority (NFA) agud nga hambalan ang stock sang bugas sa pungsod.
Sa Facebook page sang Office of the President, ginsapol ni Marcos ang NFA officials upod sa iya economic team kag ginplanuhan ang mangin tikang sang gobyerno agud nga mapabilin ang bastante nga rice buffer stock sa pungsod.
Wala pa ginsapubliko sang Malacañang ang mga plano kag desisyon nga gin-finalize sa natabo nga meeting kag kun bukas ang Presidente nga mag-import sang bugas agud nga mapabilin ang ideal volume sang nagapanguna nga pagkaon sang pungsod.
Una na nga ginpahayag ni Marcos nga amo ang nagapamuno sa Department of Agriculture (DA) nga indi mapunggan sang Pilipinas nga mag-import sang agricultural products samtang nga ginapa-ayo pa sang gobyerno ang produksiyon kag ani.
