ILOILO CITY – Nagpangayo sang pasaylo si anay Senador Leila de Lima sa iya mga bisita nga ginpunggan sa pagkadto sa iya sang iya kaadlawan sa Camp Crame sang Sabado, Agosto 27.
Nagpasalamat naman ini sa wala untat nga pagsuporta sang iya mga kaabyanan kag kaalyado.
Aminado man si De Lima nga nag-file gid lamang sila sang request sang Agosto 22, lima ka adlaw antes ang adlaw sang ila tuyo nga pagbisita.
Ang PNP ang naga-require sang pulo ka adlaw nga prior notice bilang pagsunod sa PNP Memo-Circular No. 2018-027.
Apang suno sa iya, may yara sang mga tinion sang una nga wala sila naka-comply sang 10-day prior policy apang ginpahanugutan sa gihapon nga mag-entertain sang bisita.
Pila sa mga nagpadulong sa Camp Crame agud nga magbisita kay De Lima amo sanday Supreme Court Senior Associate Justice Antonio Carpio, former SC Associate Justice kag Ombudsman Conchita Carpio-Morales, Rep. Edcel Lagman, former Senator Franklin Drilon, constitutional framer Atty. Christian Monsod, Prof. Winnie Monsod, Former Rep. Tom Villarin, former secretaries Mar Roxas kag Julia Abad, kag Atty. Chel Diokno.
