ILOILO CITY – Ginpa-iway sang National Aeronautics and Space Administration (NASA) ang test flight sang pinakadako nga Moon rocket bangud sang temperature issue sa isa sa apat ka mga giant engines.
Ang alternative dates agud nga ilunsyar ang Artemis 1 mission nga isa ka uncrewed flight sa palibot sang bulan bilang kabahin sang ambitious program ang maga-proceed sa Byernes ukon sa masunod nga Lunes.
Ma-take off na kuntani ang rocket alas-8:33 sa aga apang gin-hold bangud sang temperature problem sa isa sa mga engines sa 322-foot (98-meter) Space Launch System (SLS) rocket.
Napulo ka libo nga mga tawo lakip na si US Vice President Kamala Harris ang nagtipon malapit sa Kennedy Space Center sa Florida agud nga maglantaw sang launch, 50 ka tuig matapos ang katapusan nga pag-landings ang Apollo 17 astronauts sa bulan.
Ang katuyuan sang flight amo nga i-test ang SLS kag Orion crew nga nagapwesto sa ibabaw sang rocket.
Ang mga mannequins nga may yara sang sensor ang nagatindog sa baylo sang crew para sa mission.
Gin-delay sang delikado nga pagpangilat ang overnight operation sa pagbuta sang orange-and-white rocket sang masobra sa tatlo ka milyon nga litro sang ultra-cold liquid hydrogen kag oxygen.
Alas-tres sa aga, liwat nga nagpangilat kag nakita ang dako nga leak sang pagbutang sang hydrogen sa main stage nga nangin rason sang pag-untat.
Nagpadayon ang proseso apang na-detect naman sang mga NASA engineer ang problema sa temperatura sa isa sa apat ka RS-25 engines nga nagpa-untat sa countdown kag sang ulihi, gin-suspend na ang test launch.
Ang Orion capsule sang rocket ang maga-orbit sa bulan agud lantawon kun ang vessel ang indi delikado sa tawo sa ulihi.
Plano man sang Artemis nga magbutang sang babayi kag sang isa ka person of color sa bulan sa labing una nga tion.
Suno kay NASA Administrator Bill Nelson, ang ini nga mission ang nagadala sang tuman ka dako nga paglaum kag handum sa madamo nga tawo.
