ILOILO CITY – Gin-suhestiyon ni Sen. Francis Tolentino nga ang mga government officials ang manduan nga magdeklarar kun sila ang may paryente nga konektado sa terrorist organizations bangud mahimo sila nga mag-compromise sang national security.
Sa iya privilege speech, ginpabutyag ni Tolentino ang kahangawa nga may yara sang incumbent officials nga may access sang confidential information nga mahimo may pamilya nga terorista ukon criminal organizations.
Gin-tumod niya ang kaso ni Commission on Higher Education (CHED) chair Prospero de Vera kun sa diin, ang utod sini nga babayi ang gin-aresto kag gin-akusaran nga ranking member sang Communist Party of the Philippines-New People’s Army-National Democratic Front’s (CPP-NPA-NDF).
Una na nga nagpahayag ni de Vera nga masobra na sa duha ka dekada nga wala sila nag-istoryahanay.
Gin-apinan man nanday Senators Koko Pimentel kag Loren Legarda si De Vera kag nagpaandam sang posible consequences sang proposal ni Tolentino.
Ginpahayag man ni Legarda nga kinahanglan na nga ibalik ang peace talks upod sa CPP-NDF.
