ILOILO CITY – Ginatun-an na sang Office of the Vice President ang posibilidad nga magpasaka sang panumbungon batuk sa mga nagapalapta sang impormasyon nga ginagamit ni Vice President Sara Duterte ang presidential helicopter agud nga magpauli sa Davao City.
Suno kay Atty. Reynold Munsayac, spokesperson ni Duterte, madamo sang tawo ang nagpati sa amo nga mga posts.
Dugang pa niya, ang mga tawo ang magapati kun pasugtan nga maglapta ini.
Ang isyu ang naggwa sang nag-post si Duterte sa iya Facebook page sang iya birthday message para kay President Ferdinand Marcos, Jr. nga nagapasalamat sa iya kag sa 250th Presidential Airlift Wing nga nagapasigurado nga kun sa diin man siya nga bahin sang pungsod sa adlaw, nagapauli siya sa iya balay agud nga makatulog ang iya mga kabataan.
Sa bag-o nga Facebook post, ginpahayag sang bise presidente nga kun sin-o man ang naghimo sang sala nga impormasyon basi sa iya appreciation post ang dapat nga mag-reflect kun ngaa nga kinahanglan nila nga magbutig.
Una na nga ginpahayag sang Philippine Air Force nga mahimo nga magamit sang bise presidente ang chopper ilabi na sa iya official function.
