ILOILO CITY – Nakita nga may yara sang gamay nga pagtaas sang kaso sang COVID-19 humalin sang tunga-tunga sang bulan sang Agosto sang nagbukas liwat ang mga eskwelahan para sa face-to-face classes bangud sang paghulag na sang mga tawo.
Suno kay Department of Health officer-in-charge Maria Rosario Vergeire, nagsaka na ang mobility patterns sa Metro Manila kag sa iban nga bahin sang rehiyon umpisa sang ikatatlo nga semana sang Agosto.
Ini ang bangud sang kumpiyansa sang publiko sa bakuna kag ang pagbukas sang iban nga sector kaangay sang edukasyon.
Apang ang importante suno sa iya amo nga ang severe kag critical cases ang nagapabilin nga manubo kag ang hospital admissions ang wala man nagataas.
Ginklaro niya nga ang optional nga pagsuksok sang face mask ang indi pa direkta nga maangut sa pagtaas sang kaso sang COVID-19.
