ILOILO CITY – Magahalin sa utang ang 31 percent sang 2023 national budget suno sa chairman sang House Appropriations Committee sa ginpatigayon nga plenary deliberations sang House Bill 4488 ukon ang 2023 General Appropriations Bill.
Suno kay Representative Elizaldy Co, obligado ang national government nga i-finance ang galastuhan sang pungsod pinaagi sa pagpangutang.
Sa amo nga hagna, 95 percent sang revenues para sa 2023 ang kuhaon sa buwis samtang ang 5 percent ang kuhaon naman sa non-tax revenues kag pagbaligya sang government assets.
Sa pihak sini, ginpasalig ni Co nga ang pagpasar sang General Appropriations Bill ang nagapasiguro nga malab-ot ang agenda sang administrasyon para sa kabugana-an kag transformation sang ekonomiya.
