ILOILO CITY – Gin-enganyo ni President Ferdinand Marcos Jr. ang mga negosyante sa Estados Unidos nga mag-invest sa Pilipinas.
Sa ginpatigayon nga economic briefing sa New York, ginpahayag ni Marcos nga ang pungsod ang padulong na sa mabaskog nga recovery humalin sa pandemya pakadto sa mapag-on nga broad-based growth sa masunod nga anum ka tuig.
Dugang pa sang presidente, ang ginapanan-aw nga economic performance sa medium term ang ginalauman nga malapawan pa ang regional neighbors.
Gin-imbitar man ni Marcos ang mga strategic investors nagikan sa Estados Unidos nga mangin kabahin sang pagpanumbalik sang ekonomiya sang Pilipinas.
Nagapati man ini nga ang Pilipinas ang isa ka manami nga investment choice kag subong na ang pinakamanami nga tion agud nga mag-invest sa pungsod.
