ILOILO CITY – Nagsugod na sa pag-imprinta sang 91 million ka mga balota ang Commission on Elections nga gamiton sa barangay kag Sangguniang Kabataan elections bilang pagpanghanda sa tunga sang nagapamintana nga pagpa-iway sini.
Ginpasiguro sang election officials nga ang mga balota ang mahimo pa nga magamit sa masunod nga tuig sa tion nga indi madayon ang eleksyon subong nga tuig.
Ang pag-imprinta sang balota ang ginalauman nga matapos sa isa ka bulan kag nagabalor sang P901 million.
Suno kay Commission on Elections chairman George Garcia, ginlantaw nila nga ibutang sa National Printing Office ang mga balota.
Indi pa makadesisyon ang poll body kun bala, padayunon ukon untaton ang printing process sa tion nga mangin layi na ang hagna nga nagatuyo nga ipaiway ang eleksyon.
Ang senado kag ang House of Representatives ang nag-ratify na sang bicameral conference committee report nga nagapaiway sang December 2022 Barangay and Sangguniang Kabataan Elections.
Ang amo nga hagna ang yara na sa opisina ni President Ferdinand “Bongbong” Marcos, Jr.
