ILOILO CITY – Mas maayo kun ipatuman ang ginaduso nga mandatory Reserve Officers’ Training Corps nga kurso sa kolehiyo.
Ini ang suno kay Vice President kag Education Secretary Sara Duterte- Carpio.
Ginpahayag ni Duterte nga nagapakigsapol siya upod sa Commission on Higher Education kag sa iban nga mga mamalidha kun paano ang pagpatuman sini.
Suno sa iya, mas maayo kun ang higher education amo ang magapamuno sang programa samtang ang basic education amo ang magatudlo sang disiplina kag sense of nationalism sa mga estudyante.
Nahibaluan nga sang eleksyon, ginapabutyag na ni Duterte ang plano sini nga pagduso sang revival sang mandatory nga Reserve Officers’ Training Corps program.
Suno naman kay Higher Education chairman Prospero de Vera III, naga-coordinate sila sa Department of Education kag kay Senator Ronald “Bato” Dela Rosa agud nga mag-draft sang hagna sa pagpatuman sini bilang mandatory.
Ginatun-an kun bala ibutang ini sa senior high school ukon sa college.
Kung madumduman, ini nga programa ang gin-untat sang 2022 kasunod sang pagpasar sang Republic Act 9163 nga naga-establish sang National Service Training Program.
Ini ang bangud sang March 2001 killing sang estudyante sang University of Santo Tomas nga si Mark Wilson Chua nga gina-alegar nga may kahimuan sang iya handlers matapos ang pagbuyagyag sang kurapsyon sa sulod sang corps.
