ILOILO CITY – Nagdangat na sa 35 ka mga tawo ang napatay bangud sa natabo nga suicide bombing sa isa ka eskwelahan sa Kabul, Afghanistan.
Ini ang suno sa United Nations mission sa amo nga pungsod.
Sang Byernes, isa ka suicide bomber ang nagpalupok sa iya kaugalingon sa isa ka study hall sa Dasht-e-Barchi sa Kabul kun sa diin, ginatos ka mga kabataan ang nagakuha sang exam bilang pagpanghanda para sa university entrance exams.
Ang palibot ang isa ka predominantly Shiite Muslim enclave kag puluy-an sang minority Hazara community nga historically oppressed group nga target na sang pila ka mga pinakabrutal nga pagpang-atake sa Afghanistan.
Magluwas sa 35 ka mga napatay, may yara man san 82 ka mga pilason.
Wala pa sang grupo nga nag-ako sa amo nga pagpang-atake.
