Gin-athag sang Land Transportation Office (LTO) nga wala ini sang plano nga dulaon ang Land Transportation Management System online portal apang ginakonsiderar ang pagkakas sa online exam para sa drivers nga naga-apply ukon naga-renew sang lisensya.
Una na nga ginpahayag ni LTO chief Teofilo Guadiz nga ginagamit sang “fixers” ang online Comprehensive Driver’s Education ukon ang online validation exam agud nga sukton ang mga aplikante sang mas mataas nga presyo.
Suno pa sa talatapan, may yara na subong sang technical working group nga gintukod agud nga ma-align ang mga tikang sa pagsolbar sa problema sa fixers nga amo ang ginakabig notorious sa pag-forge sang certificates halin sa driving schools.
Nagapangita man sang paagi ang technical working group agud nga masiguro nga ang aplikante amo mismo ang nagatambong sa seminar kag ang nagakuha sang exam.
May gina-develop man ang talatapan nga feature para sa online portal. ##
