ILOILO CITY – Magkatuhay ang nangin posisyon nanday Senator Risa Hontiveros kag Senate finance committee chairperson Sonny Angara sa mas mataas nga confidential and intelligence fund nga gin-request sang Department of Education sa proposed budget sang National Intelligence Coordinating Agency.
Sa isa ka statement, ginpahayag ni Hontiveros nga dapat nga mag-focus sa educational reform ang Department of Education sa baylo sang national security.
Suno sa iya, ang P150 million nga confidential funds sang Department of Education ang mas mataas sa P141.2 million nga budget sang National Intelligence Coordinating Agency.
Apang ini ang ginbali ni Angara nga amo ang maga-sponsor sang budget sang National Intelligence Coordinating Agency.
Suno sa iya, mas mataas pa sa P142 million ang budget.
Kahapon, gin-aprubahan sang iya committee ang proposed P343.3 million budget sang National Security Council kag ang proposed P1.058-billion funding sang National Intelligence Coordinating Agency para sa masunod nga tuig.
Magluwas kay Angara, ginpahayag man ni Senate Basic Education Committee chairman Sherwin Gatchalian nga ang confidential and intelligence fund nga gin-request sang Department of Education ang “logical” bangud ini ang magamit sa pagsolbar sang kaso sang child abuse, sexual harassment, kag ang iban pa nga krimen sa education sector.
