ILOILO CITY – Dako ang posibilidad nga pirmahan ni President Ferdinand “Bongbong” Marcos, Jr. bilang layi ang hagna nga SIM registration kag pagpaiway sang 2022 barangay and Sangguniang Kabataan elections.
Ini ang suno kay Executive Secretary Lucas Bersamin.
Suno sa iya, wala sila sang may ginatun-an nga i-veto sa SIM registration bill.
Dako man ang tsansa nga mangin layi ang pagpa-iway sang eleksyon.
Kahapon, pormal na nga ginpirmahan nanday Senate President Juan Miguel Zubiri kag House Speaker Ferdinand Martin Romualdez ang duha ka mga hagna nga ginaprubahan sang 19th Congress kag ginpasa na kay Presidential Legislative Liaison Office Secretary Mark Llandro “Dong” Mendoza para sa approval kag pirma ni Marcos.
