ILOILO CITY – Ginpahayag sang Department of Health ang pila ka mga dalagko nga kadalag-an sa healthcare system lakip na ang pagpabaskog sang coronavirus disease 2019 booster jabs campaign kag ang pagpabaskog sang medical workforce sa tunga sang pandemya sa idalom sang direktiba ni President Ferdinand “Bongbong” Marcos Jr. sa iya una nga 100 ka gatos ka adlaw nga pagpungko.
Suno sa ahensya, napabaskog ang vaccination kag booster rollout efforts pinaagi sa “PinasLakas” vaccination drive nga ginlunsyar sang July 26.
As of October 6, ginabanta nga yara sa 45,255 ka mga senior citizens kag 3,433,713 ka mga indibidwal nagikan sa eligible population ang nakabaton sang bakuna kag booster shots.
Sa amo man nga period, nagdangat sa 93.81% ukon 73.3 million ka mga Pilipino ang fully vaccinated.
Nagtaas man ang mga nakabaton sang una nga dose sang booster sa 25.62% sa general population nga 20 million individuals.
Ang PinasLakas campaign ang may katuyuan nga maka-administer sang booster shots sa 50% sang eligible population sang pungsod sa una nga 100 ka adlaw sang Marcos administration.
Na-sustain man sang Health department ang testing capacity nga may average daily demand-driven output nga 17,788 tests nagikan sa 350 licensed COVID-19 testing laboratories as of September 30.
Dugang pa sang ahensya, ang suporta sang local government units kag concerned agencies sa pagpabaskog sang detection, control, kag isolation ang nagresulta sa desisyon sang Office of the President nga pahanugutan na ang voluntary nga pagsuksok sang facemask sa outdoor settings sang September 12.
Samtang, ang gobyerno ang nakapagwa sang masobra sa P26 billion para sa grant sang COVID-19 benefits kag compensation as of September 30.
