ILOILO CITY – Natalana nga ipagwa ang Implementing Rules and Regulations sang SIM Registration Act pagkatapos sang duha ka bulan.
Suno kay Marikina Rep. Stella Quimbo, ang deadline sang Implementing Rules and Regulations sang Republic Act 11934 amo ang 60 ka adlaw pagkatapos nga napirmahan.
Ini ang ginpirmahan ni Presidente Ferdinand Marcos, Jr. sang Lunes, Oktubre 10.
Ang paghimo sini ang pangunahan sang National Telecommunications Commission upod pa ang iban nga ahensya sang gobyerno.
Katuyuan sang amo nga layi nga mauntat na ang paglapta sang spam text messages kag scam.
Sa idalom sang sini nga layi, ang mga mobile phone subscribers nga may yara sang existing prepaid SIM cards ang may yara lamang sang 180 ka adlaw humalin nga mangin epektibo ang layi agud nga magpa-register kag mag-verify sang ila numero sa tagsa ka public telecommunications entities.
Apang may yara sang dugang nga 120 ka adlaw nga mahimo nga mahatag sa tion nga mag-request ang Department of Information and Communications Technology.
Ang mga bag-o naman nga users ang kinahanglan nga mag-register pinaagi sa pag-fill out sang form nga naga-unod sang ila personal nga impormasyon kag kinahanglan nga magpakita sang kopya sang valid valid government ID nga may picture.
Ang mga public telecommunications entities ang dapat nga magpasa sa National Telecommunications Commission sang listahan sang authorized sellers ukon dealers kag dapat nga magpasa man sang updated list sa tagsa ka quarter sang tuig.
