ILOILO CITY- Nagpungko na bilang bag-o nga director sang Iloilo Police Provincial Office si PCol Noel Calderon Aliño.
Ginbuslan niya si PCol Adrian Acollador nga gin-relieve ni PBGen Leo Francisco bangud sa kapaslawan nga solbaron ang madamo nga krimen sa Iloilo.
Sa interview sang Bombo Radyo kay PCol Aliño, iya ginpahayag nga sa iya pagpungko bilang director sang Iloilo Police Provincial Office, tutukan niya ang pagpahangop sang importansya sang team work ilabi na sa pagsolbar sang mga krimen kag pagpaluntad sang kalinong kag katawhay.
Suno kay Aliño ,talupangdon man niya ang pag-review sang pila ka mga posible rason sang pagluntad sang krimen kaangay sang problema sa police visibility.
Nagpasalig man ini nga siya ang sahi sang direktor nga indi magtinir sa opisina kundi mangin aktibo ini sa mga operasyon sa field.
