Sa baylo nga problemahon ang South Korean dramas sa Pilipinas, mas maayo suno kay House Assistant Minority Leader Arlene Brosas sang Gabriela party-list nga dumilian sang gobyerno ang mga pelikula nga daw kaangay naga-promote kag nagadayaw-dayaw pa sa violence batok sa kababainhan kaangay sang physical abuse kag rape.
Gin-isyu ni Brosas ini nga statement matapos ang kontrobersyal nga pahayag ni Senator Jinggoy Estrada nga tuyo sini nga ikonsiderar nga i-ban ang South Korean dramas sa Pilipinas agud mabuligan man ang local film industry.
Suno naman kay Brosas, nagadamo pa nga nagadamo ang bayolente kag sexy films nga may mga tema nga yara na natupa sa softcore pornography.
Ini nga content suno sa mamalidha kun sa diin gina-portray ang mga babayi bilang sexual objects ang nagapabaskog lang sang kultura sang misogyny kag sexism sa pungsod kag posible pa magpa-timbuok pa sang mga kaso sang violence against women and children.
“This kind of media content portraying women as sexual objects reinforces a culture of misogyny and sexism in the country, and might lead to yet another spike in cases of violence against women and children,” pahayag sini. “Worse, these films are unregulated and are readily available to minors who use these online streaming applications.”
Nagaplano ang Gabriela suno kay Brosas nga mag-duso sang hagna nga maga-penalize sa indecent representation sang babayi sa movies, television series, advertisements, kag iban pa.
“It is high time that we create a safe space for women, especially in our local entertainment industry,” pahayag sang mamalidha.
