ILOILO CITY- Ginpaidalom na sa state of calamity ang banwa sang San Miguel kasunod sang narecord nga kaso sang African Swine Fever.
Sa interview sang Bombo Radyo kay Vice Mayor Bonifacio Salapantan, iya ginpahayag nga narecord ini nga isolated case sang ASF sa Brgy. San Jose kun sa diin may reported nga nagkalamatay nga baboy.
Suno kay Salapantan, may yara na sang task force ang banwa nga magasentro sa African Swine Fever agud mapunggan ang paglapta sini.
Nahibaluan nga nangin urgent ang rekomendasyon nga ipaidalom ang banwa sa state of calamity sa ginpatigayon nga regular session sang municipal council subong nga adlaw.
Ang San Miguel ang kaiping lang sang Oton nga pinakauna nga nakarekord sang kaso sang African Swine Fever kag pinakauna nga ginpaidalom sa state of calamity sa probinsya.
