ASF Update: Iloilo City Government, mas ginpahugot pa ang pagbantay sa border sa syudad bangud sa ginapahayag nga pagpalusot sang baboy

ILOILO CITY- Mas ginpahugot pa sang Iloilo City Government ang pagbantay sa mga border sa syudad bilang tikang kontra sa African Swine Fever.

Ini matapos nga naggwa ang impormasyon nga may yara sang nagapalusot sang karne sang baboy halin sa Oton pasulod sa syudad.

Sa interview sang Bombo Radyo kay Dr. Suzette Leal, Veterinarian IV sang Iloilo City – Office of the City Veterinarian, iya ginpahayag nga sa nakabaton sila sang report nga may traders nga nagapalusot sang baboy Trinity 34 Subdivision sa Oton pakadto sa Iloilo City.

Suno kay Dr. Leal, bangud sini, mas gin-strategize nila ang pagbutang sang control checkpoints kun sa diin may yara sang ginpangsaylo kag ginpangdugang.

Ang pinakaulihi nga gindugang amo ang checkpoint sa Sta. Cruz, Arevalo kun sa diin nareport ang ginapalusot nga mga baboy.