ILOILO CITY- Padayon ang ginapatigayon nga pagsipot sa mantika nga nagkadto sa Iloilo river kasunod sang pagkatumba sang container van nga may karga nga raw palm oil nga nagresulta sa pagluntad sang oil spill.
Sa interview sang Bombo Radyo kay Coast Guard Commander Jonie Belarmino, Commander sang Marine Environmental Protection Force Western Visayas,iya ginpahayag nga sa una nga adlaw nga natabo ang oil spill sang Oktubre 23,duha ka drums gid sang mantika ang ila nakuha halin sa suba.
Suno kay Belarmino,sa subong may yara pa sang mga remnants sang mantika nga nagagwa sa drainage ilabi na sa tion sang high tide.
Pahayag niya, nagapatigayon sila sang scooping kun sa diin diutay na lang ang ila makuha nga mantika.
Nahibaluan nga ang report sang Philppine Coast Guard natuhoy sa amo nga oil spill ang gamiton nga basehan sang Iloilo City Government sa pagpasaka sang kaso batok sa nagapanag-iya sang naula nga raw palm oil.
