Nagtimbuok pa sa masobra P2 billion ang balor sang halit nga ginbilin ni Bagyo Paeng sa sektor sang agrikultura sa bilog nga pungsod.
Sa latest data nga gin-release sang Department of Agriculture, yara na sa P2.74 billion ang balor sang na-assess nga damage sa agrikultura nga mas mataas sa P1.33 billion nga na-report sang Lunes sang hapon.
Covered sini ang 82,830 ka ektarya sang agricultural areas sa Cordillera Administrative Region, Cagayan Valley, Central Luzon, Calabarzon, Mimaropa, Bicol, Western kag Eastern Visayas, Zamboanga Peninsula, Central Mindanao, kag Soccsksargen.
Katumbas ini sang production loss volume nga 111,831 metric tons sang humay, mais, kag high value crops.
Pinakadaku sa nahalitan amo ang palay, ginasundan sang high value crops, fisheries, mais, livestock and poultry, kag balinghoy.
Yari naman ang gina-preparar sang Department of Agriculture nga bulig sa mga apektado nga mga mangunguma:
– Rice, corn, kag assorted vegetable seeds;
– Bulong kag biologics para sa livestock kag poultry;
– Fingerlings kag assistance halin sa Bureau of Fisheries and Aquatic Resources para sa mga apektado nga mga manugpangisda;
– Survival and Recovery (SURE) Loan Program halin sa Agricultural Credit Policy Council (ACPC) nga may loanable amount nga tubtub sa P25,000 kag pwede mabayaran sa tatlo ka tuig nga may zero interest; kag ang
– Quick Response Fund (QRF) para sa rehabilitation sang apektado nga mga lugar
