ILOILO CITY- Gin-ako sang pamunuan sang isa ka eskwelahan sa Iloilo City nga indi gid masunod ang tanan nga minimum health protocol kadungan sang full implementation sang face to face classes.
Sa interview sang Bombo Radyo kay Noel Tubungbanua, School Information Coordinator sang La Paz National High School, iya ginpahayag nga isa sa protocol nga imposible nga ipatuman amo ang physical distancing.
Suno kay Tubungbanua, may yara sang minimum nga 50 ka estudyante sa kada classroom nga amo ang regular nga numero antes pa man ang pandemya.
Pahayag sang natungdan, ginaabisuhan na lang ang mga estudyante nga magsuksok sang face mask kag mag-obserbar sang good personal hygiene.
