Burial site sang ASF+ nga mga baboy sa Leganes, nagtuga sang kabalaka sa mga residente

ILOILO CITY- Nagapangabay ang mga residente sang Brgy. MV Hechanova, Leganes, Iloilo nga kuntani siguraduhon gid ang paglubong sa napatay nga mga baboy nga infected sang African Swine Fever.

Sa interview sang Bombo Radyo kay Nona Grace Lopez, iya ginpahayag nga ginakabalak-an nila ang posibilidad nga magsungaw ang baho sang mga baboy kag mangin halit sa ikaayong lawas sang mga residente.

Suno kay Lopez, lapit lang sa chapel,sa barangay gymnasium kag sa mga pamalay ang burial site gani kun indi husto ang paglubong sa mga baboy, pat-ud nga magaantos gid ang mga pumuluyo.

Nahibaluan nga isa ang banwa sang Leganes ang isa sa lima na ka mga banwa nga may kaso sang African Swine Fever nga narecord na sa Oton,San Miguel, Alimodian kag Sta. Barbara.