ILOILO CITY – Aprubado na sa senado ang budget sang Department of Migrant Workers.
Ang budget sang ahensya ang nagdangat sa halos P17 billion lakip na ang masobra sa P1 billion nga original proposal.
Ang P16.323 billion ang ginalakipan sang P4.324 billion para sa Office of the Secretary, P11.769 billion para sa Overseas Workers Welfare Administration kag P230 million para sa annual recurring allocations para sa retirement kag life insurance premiums.
Ginpasalamatan ni Department of Migrant Workers Toots Ople ang senado sa pag-recognize sang importansya sa pag-approve sang budget sang ahensya para sa masunod nga tuig.
Nagpangako man ini sang full transparency, accountability, kag insakto nga paggamit sang pondo sang gobyerno.
Nahibaluan nga ang budget sang ahensya sa masunod nga tuig ang mangin source of fund para sa pagpatindog sang 16 ka mga regional offices kag centers sa bilog nga pungsod; Overseas Employment Adjudication Offices sa Metro Manila kag sa Regions 3, 4-A, 7, 11; kag ang pag-expand sang Migrant Workers Office ukon ang ginatawag sang una nga Philippine Overseas Labor Offices sa pili nga overseas locations.
Naghatag man sang dugang nga P500 million nga appropriation ang senado para sa operationalization sang OFW Hospital sa Mabalacat, Pampanga.
