Wala sang maayo nga rason suno kay Senator Risa Hontiveros nga ihatag ang confidential funds nga ginapangayo sang Department of Education para sa 2023.
Sa plenary deliberations sang Senado sa proposed P676.24 billion budget sang ahensya sa masunod nga tuig, nagpanawagan si Hontiveros sang realignment sa P150 million confidential funds.
Ginpahayag sini nga magamit ini sa mas importante nga prayoridad para sa nga bata.
Una na nga nagpahayag si Vice President kag Education Secretary Sara Duterte nga gamiton ang confidential fund para sa programs batok sa “sexual grooming,” “active shooter copycats,” “insurgency recruitment” of children, kag drug involvement of learners.
Ginpahayag naman ni Duterte nga itugyan na sini sa Kongreso nga magdesisyon kun i -approve ukon ireject ang proposal para sa confidential fund.
Suno kay Hontiveros, pormal niya nga iduso ang realignment sang P150 million confidential fund sang Department of Education sa “proper time.”
