ILOILO CITY – Ginpaidalom sa preventive suspension sang Ombudsman sa sulod sang anum ka bulan ang administrator sang National Irrigation Administration nga si Benny Antiporda.
Ini ang kasunod sang administrative complaints nga ginpasaka sang pila ka mga empleyado sang National Irrigation Administration batuk sa iya.
Sa lima ka pahina nga order, ginmandu ni Ombudsman Samuel Martires ang suspension kasunod sang mga reklamo sang mga empleyado nga sanday Lloyd Allain Cudal kag Michelle Gonzales Raymundo bangud sa mga masunod: committing conduct prejudicial to the best interest of the service, grave misconduct, harassment, oppression, kag ignorance of the law.
Bangud sini, ang mga kaso nga iya ginapangatubang amo ang Grave Misconduct, Conduct Prejudicial to the Best Interest of the Service, kag Oppression kag mahimo ini nga makakas sa pwesto.
Nagpanindugan naman si Antiporda nga ang ini nga mga akusasyon ang “baseless” kag “petty allegations” gid lamang.
Ginkumpirma man niya nga nabaton na niya ang receipt of order kag maga-comply diri.
