ILOILO CITY- Ginpatigayon sang Local Government Unit sang Tigbauan ang pinakauna nga Lechon Avenue.
Sa interview sang Bombo Radyo kay Sky Torrico, supervising tourism officer sang banwa sang Tigbauan, iya ginpahayag nga ini nga aktibidad
ang isa sa mga tikang sang banwa agud mabuligan ang mga hog raisers sa ila negosyo.
Suno kay Torrico, kasunod sang pagtuhaw sang African Swine Fever sa lima ka banwa sa probinsya,naapektuhan man ang negosyo sang mga hog-raisers sa Tigbauan.
Pahayag niya, paagi sa Lechon Avenue, mas mapadasig ang pagpagwa sang stocks sang mga manug-baboy.
Ang Lechon Avenue ang ara subong sa Tigbauan Public Plaza kun sa diin subong nga Mierkules ang una nga adlaw kag sa Domingo naman ang masunod nga schedule.
