Resolusyon nga ginduso ni Councilor Duron angot sa paghingyo sa Semirara Mining and Power Corporation nga i-prioritize ang Panay, ginkwestiyon ni Councilor Cabaluna

ILOILO CITY- Nangin mainit ang diskusyunanay sa tunga nanday Iloilo City Councilors Sedfrey Cabaluna kag Romel Duron matapos ginpisa-pisa ni Cabaluna si Duron kaangot sa proposed resolution sini.

Ang ginduso ni Duron amo ang ” A Resolution Urging Semirara Mining and Power Corporation to Prioritize the Supply of Coal and Power to Local Generation and Distribution Companies Respectively at Reasonable Rates in Panay Island.”

Sa pagplastar ni Duron sang iya proposed resolution sa session sang council, didto naghatag sang iya punto si Cabaluna nga sa tion nga i-prioritize ang Iloilo, posible nga mabutang naman sa alang-alang ang supply sang coal sa iban nga parte sang pungsod.

Suno kay Cabaluna, ano man ka urgent ang pagkinahanglan sang supply sang coal, indi husto nga unahon lang ang interes sang syudad kag isakripisyo ang iban.