ILOILO CITY – Nagdangat sa walo ka mga tawo ang napatay bangud sang tuman nga pag-ulan nga nagresulta sa landslide sa Italian island sang Ischia.
Nag-usmod ang duta sa magamay nga banwa sang Casamicciola Terme nga nagtabon sang isa ka balay kag nag-anud sang mga salakyan padulong sa dagat.
Suno kay infrastructure minister kag deputy prime minister Matteo Salvini, nagdangat na sa walo ang kumpirmado nga nagkalamatay.
Una na nga gin-report nga may 13 ka mga tawo ang wala nakita apang wala sang official confirmation.
Dugang pa ni Salvini, nagapadayon ang pagpangita sa mga missing kag ang evacuation.
Nabudlayan man sila nga magpatigayon sang rescue efforts bangud sang malain nga tyempo.
