Ginbasura sang Kremlin ang kondisyon nga ginpahayag ni US President Joe Biden para sa posible pag-pungko kag pag-istorya kay Russian leader Vladimir Putin may kaangtanan sa away sa Ukraine.

Suno kay Kremlin spokesman Dmitry Peskov, ginsiling ni Biden nga posible lamang nga matabo ang negosasyon kun bayaan na ni Putin ang Ukraine — kondisyon nga indi pagbatunon sang Russia.

Gin-athag pa ni Pescov nga magapadayon ang “special military operation” nga ginahimo sang Moscow sa Ukraine.

Matandaan nga nag-bisita si French President Emmanuel Macron sa Estados Unidos, ginpahayag ni Biden nga handa siya makig-istorya kay Putin kun luyag na sang Russian leader nga tapuson ang away sa Kyiv.

Russian President Vladimir Putin attends via video the opening of social facilities in different regions of the country, the construction or major reconstruction of which has been completed within the framework of federal and regional development programs, in Moscow, on November 30, 2022. – – *Editor’s note : this image is distributed by Russian state owned agency Sputnik.* (Photo by Mikhail METZEL / SPUTNIK / AFP) / *Editor’s note : this image is distributed by Russian state owned agency Sputnik.* (Photo by MIKHAIL METZEL/SPUTNIK/AFP via Getty Images)

Suno naman sa Kremlin, handa man si Putin nga makig-istorya agud masiguro nga respetado sang iban nga mga pungsod ang interes sang Russia.

Apang gindugang man ni Peskov nga naga-kumplikado ang ginaplano kuntani nga mga dayalogo bangud sa mga ginahimo sang US.

Partikular nga gin-mensyonar amo ang indi pagkilala sang Estados Unidos sa bag-o nga mga teritoryo sang Russian Federation ukon ang Ukrainian regions nga gina-claim sang Moscow nga na-annex na sang Russia.

Una na nga gintawag sang United Nations nga “attempted illegal annexation” ang pag-sakop sang Russia sa sini nga mga teritoryo sang Ukraine.

RELATED ARTICLESMORE FROM AUTHOR