Masobra P1 million cash, nataban sang mga holdaper sa supervisor sang J&T Express sa Sara, Iloilo

ILOILO CITY- Kapin sa P1 million pesos ang cash nga nataban sang wala pa makilal-an nga mga suspek nga nag-hold up sa supervisor sang J&T Express sa Sara, Iloilo.

Natabo ang pagpanghold-up sa atubang mismo sang establishment.

Sa inisyal nga imbestigasyon, ginapahayag nga maga-remit kuntani sang kwarta ang supervisor sang gintayaan sang pusil sang mga suspetsado nga sakay sa motorsiklo kag didto na nagdeklarar sang hold-up.

Suno sa Sara Municipal Police Station, posible nga na-monitor na sang mga suspek ang hulag sang biktima bangud adlaw-adlaw ini nga naga-remit sang kwarta.