ILOILO CITY – Ginbitay sang Iran ang duha ka mga lalaki, isa ka karate champion kag ang isa ang isa ka volunteer children’s coach.
Ini ang nagdugang sa una nga duha ka mga indibidwal nga gin-execute may kaangtanan sa lapnagon nga protesta humalin sang September 2022.
Ang duha nga gin-execute amo sanday Mohammad Mehdi Karami kag Seyed Mohammad Hosseini.
Ang duha nga kabahin sang anti-regime protests ang convicted sa pagpatay sa isa ka myembro sang Basij paramilitary force sang pungsod sang nagligad nga Nobyembre 3.
Suno naman sa abogado nga si Mohammad Hossein Aghasi, wala nahatagan sang tsansa ang duha nga magpakig-istorya sa ila pamilya antes ang execution.
Sa pinakaulihi nga data, indi magnubo sa 40 ang nakabaton na sang death threats base sa statement sang Iranian officials kag sang mga Iranian media.
Ang ini nga numero ang ginapatihan nga mas madamo pa.
