ILOILO CITY – Nalakip sa “30 world’s most famous stars” ang Filipino pride nga si Dolly de Leon.
Si Dolly ang kabahin sang annual Hollywood portfolio sang British Vogue kun sa diin, ginabutang sa spotlight ang mga hottest stars, kilala man ukon nagasugod pa lamang.
Ang Golden Globe nominee nga si Dolly ang ika-30 nga star nga gin-feature sa amo nga portfolio.
Lakip man sa mga na-feature amo sanday Michelle Yeoh, Sadie Sink, Cate Blanchett, Kate Hudson, Letitia Wright, Hugh Jackman, Eddie Redmayne, kag ang co-star ni Dolly sa Triangle of Sadness nga si Harris Dickinson.
Magluwas sa feature sa British Vogue, nadala man si Dolly sa longlist para sa Best Supporting Actress sa 2023 British Academy Film Awards.
Pila sa mga contenders sa amo nga award amo sanday Angela Bassett sang “Black Panther: Wakanda Forever”, Kerry Condon sang “The Banshees of Inisherin”, kag Jamie Lee Curtis sang “Everything Everywhere All At Once.”
Ang nominations ang iga-anunisyo sa Enero 19 kag ang ceremony ang hiwaton sa Pebrero 19.
Nahibaluan nga si Dolly ang nominee man para sa supporting actress sa 43rd annual London Critics’ Circle Film Awards.
