ILOILO CITY – Nagaplano ang administrasyon ni President Ferdinand Marcos Jr. nga magpatuman sang “calibrated” importation sang bombay agud nga mahatagan sang proteksyon ang mga mangunguma sa tion sang harvest season.
Suno kay Agriculture Department Assistant Secretary Kristine Evangelista, sa tagsa ka importasyon sa high value crops, ginatan-aw gid sang Bureau of Plant Industry ang posible madangatan sang mga mangunguma.
Sa subong, nagahulat pa ang ahensya sang reports kun pila ang nag-apply para sa importation.
May yara man sang cut-off ang importation kun ipa-anggid sang una suno sa natungdan.
Dugang pa ni Evangelista, ang farmgate price sang bombay ang nagpanaog tubtob sa P250 per kilo.
Apang suno iya, ini pa ang dapat nga i-validate bangud mahimo nga sa isa lang ini ka lugar.
Sa nabaton nga report sang natungdan nagikan sa mga mangunguma kag sa pila sa mga institutional buyers, may yara sang pagnubo sa farmgate price.
Ang amo nga presyo ang mataas sa gihapon kun basehan ang cost structure sang bombay.
