Nag-abot na si President Ferdinand “Bongbong” Marcos Jr. sa Switzerland agud magtambong sa World Economic Forum sa Davos.
Nag-abot si Marcos sa Zurich 11:30 kagab-i (oras sa Pilipinas) kag gilayon nga nag-diretso sa Alpine kun sa diin patigayunon ang meeting sang global business kag political leaders.
Kaupod ni Marcos si First Lady Liza Araneta-Marcos kag ang economic team sang administrasyon.
Sa pagbiya sa Pilipinas, ang eroplano ang gin-updan sang fighter jets sang Armed Forces of the Philippines.
Una na nga ginpahayag ni Foreign Affairs Undersecretary Carlos Sorreta nga iga-introduce ni Marcos sa amo nga forum ang proposed Maharlika Investment Fund.
Lunes pormal mga magabukas ang World Economic Forum kag magalawig tubtub sa Enero 20.
2020 pa ini sang katapusan nga ginpatigayon sa Davos inadlaw lang antes gindeklarar ang COVID-19 outbreak bilang isa ka global health emergency.
Sang 2021, virtual lamang ang pagpatigayon sang event.
Una na nga ginpahayag ni Marcos nga magapakigkita siya sa iban nga government leaders, policy makers, entrepreneurs, civic society advocates, kag experts agud mag-discuss sang mga isyu kaangot sa nagasaka nga presyo sang pagkaon, climate action, kag eksperyensya sang Pilipinas sa pag-manage sang COVID-19 pandemic.
Ginalauman man nga magapakigkita ang presidente sa mga myembro sang Filipino community sa Europa.
Balikan naton ang departure speech sang presidente. ##
