25 na lang ka high-ranking police officials ang wala pa nakapasa sang courtesy resignations isa ka semana matapos ang panawagan ni Department of the Interior and Local Government (DILG) Secretary Benjamin “Benhur” Abalos Jr. sa senior police officials.
Suno kay Philippine National Police (PNP) spokesperson Col. Jean Fajardo, 928 ukon 97 percent sang 953 full colonels kag generals sa bilog nga pungsod ang nagsumite na sang courtesy resignations bilang pagsunod sa mandu sang tiglikom.
Ang police headquarters ang nakabaton sang 24 ka dugang nga resignations sang nagligad lang nga Sabado.
Ang nabilin nga resignations ang ginalauman nga magahalin sa Visayas kag Mindanao.
Una na nga ginpahayag ni Abalos nga indi naman kinahanglan nga ibuyagyag ang pangalan sang mga nag-resign nga mga opisyal nga mapamatud-an nga may koneksyon sa iligal nga droga.
May 5-member panel nga maga-review sang resignations kag maga-determinar sang akto sang so-called “ninja cops.” apang natalana pa nga inunsyo kun sanday sin-o ang kumpleto nga myembro sini nga panel. ##
