Ginkwestyon sang pila ka mga senador ang Bureau of Customs (BOC) matapos nabutang sa kontrobersiya ang 10 ka crew members sang isa ka airline company bangud sang pagdala sang sibuyas sa Pilipinas bilang “pasalubong”.
Sa hearing sang Senate committee on agriculture, food, and agrarian reform hearing, sanday Senador JV Ejercito kag Raffy Tulfo ang nagpahayag nga “double standard” ang pagsilot sa crew members samtang ginapabay-an naman ang major smugglers.
“‘Yung PAL crew, nagdadala ‘yan ng pasalubong for personal consumption. Dati, mansanas, ubas, pabango, sapatos. Ngayon, sibuyas na ang kanilang pinapasalubong sa kanilang mga pamilya. So, this is already a cause of alert,” pahayag ni Ejercito. Dugang pa sang senador, “Ito papatulan natin pero ‘yung mga big-time na cartel, smuggler, protektor, nakakalusot?”
Pareho man sini ang sentimyemento ni Senator Tulfo.
“Uminit ang ulo ko. Bureau of Customs, pinaghuhuli ‘nyo itong mga airline crew, hinarang ‘nyo pampasalubong lang. Bakit ‘yung malalaking big-time smugglers na paulit-ulit na binabanggit… hindi ‘nyo pinaghuhuli at pinagkukulong?” pamangkot ni Tulfo sa Customs officials nga yara man sa Senate hearing. Ginpahayag pa ni Tulfo nga indi gid mabaton nga wala ginadakop ang big-time smugglers. “Dapat priority ’nyo ‘yung mga big-time [smugglers]. Bakit hindi ‘nyo paghuhulihin? Siguro nasa opisina ‘nyo palagi. This is unacceptable.”
Una na nga ginpahayag sang BOC nga indi magnubo sa 10 ka crew members ang nagtuyo nga mag-smuggle sa pungsod sang halos 40 ka kilo sang sibuyas kag prutas halin sa Middle East.
Ginapahayag nga Enero 10 sang nakuha gikan sa cabin crew sang Flight PR 659 halin sa Dubai ang 15.5 kilos sang sibuyas, 4.5 kilos sang lemons, kag isa ka kilo sang strawberries kag blueberries.
Ginpahayag man una ni Philippine Airlines spokesperson Cielo Villaluna nga ginaimbestigaran na sang airline ang amo nga insidente.
Suno sa BOC, ginlapas sang crew members ang Plant Quarantine Law of 1978 bangud sa kakulang sang phytosanitary certificate, Presidential Decree 1433 bangud sa kakulang sang plant quarantine clearance kag Section 1404 sang Customs Modernization and Tariff Act for bangud sa “failure to declare the produce.”
Ginrekomendar sang bureau ang confiscation sang goods kag ang “appropriate legal action.” ##
