Ginpabugal ni Presidente Ferdinand ‘Bongbong’ Marcos, Jr. nga nadala ang Pilipinas sa VIP Club sa Southeast Asia, ukon mga pungsod nga may best-performing nga mga ekonomiya.
Suno sa presidente, mismo ang mga lider sa World Economic Forum sa Davos, Switzerland ang nag-tag sa Pilipinas nga kabahin inisang amo nga club.
Magluwas sa Pilipinas suno sa iya, ang iban pa nga myembro sang VIP Club sa Southeast Asia amo ang Vietnam kag Indonesia.
Nagpahayag man si Marcos nga ang forum sa Switzerland isa gid ka excellent platform agud nga mabida ang ekonomiya sang pungsod.
Paagi sa amo nga forum, ginpahayag ni Marcos nga nakakit-anay sila sang world leaders kag pila ka foreign investors nga may interes sa pag-explore sang business opportunities diri sa Pilipinas.
Sa amo nga meeting, ginpahayag nga nakakit-anay man si Marcos kag si World Trade Organization Director-General Ngozi Okonjo-Iweala, World Bank Managing Director for Operations Axel Van Trotsenburg, International Monetary Fund Managing Director Kristalina Georgieva, kag former United Kingdom Prime Minister Tony Blair. ##
