Ginpanginwala ni President Ferdinand ‘Bongbong’ Marcos Jr. nga gina-groom na sang pamilya ang iya subang nga anak nga si Ilocos Norte Rep. Sandro Marcos agud mangin ikatatlo nga presidente sang Pilipinas halin sa clan sang mga Marcos.
Suno pa sa presidente, si Sandro mismo ang naga-groom sa iya kaugalingon — dala na dira ang iya karera sa pulitika.
Mangin ang pagsulod sini sa pulitika sang nagligad nga tuig indi makabig nga desisyon sang ila pamilya suno sa presidente.
Ginpahayag man sini nga wala siya sang long-term plan nga ibutang gid para sa iya anak nga isa pa lang subong ka bag-uhan nga pulitiko.
“No. We are not grooming him for anything… There is not some long-range plan that one day Sandro is going to be President. He (Sandro) will laugh at your face if you tell him that [he is being groomed to be the next president],” pahayag pa sang presidente.
Gin-athag man sini nga ang rason kun ngaa yara masami si Sandro sa presidential foreign trips amo bangud author ini sang Maharlika Investment Fund, kag kun kaisa, siya ang naga-take over sa pag-discuss sa sini nga bill sa iban nga foreign leaders. ##
