Pormal nga imbitaron sang Britanya si President Ferdinand Marcos Jr. agud magtambong sa koronasyon kay King Charles III sa Mayo 6.
Suno kay British envoy Laure Beaufils, nakapadala na ang United Kingdom sang “save the date” notice sa Malacañang.
Ginpahayag man ni Beaufils nga interesado man ang British businessmen nga magpatukod sang negosyo sa Pilipinas, kag naobserbahan man sini nga kabahin na ang United Kingdom sa top investors sa pungsod.
Yara pa subong ang economic team ni Marcos sa London para sa briefing kaupod sa United Kingdom leaders, bankers, kag businessmen.
Ang koronasyon naman ni King Charles ang lauman nga patigayunon sa Westminster Abbey. ##
