Iloilo City – Nagpungko na sa pwesto ang bag-o nga director sang Iloilo City Police.
Ini amo si Police Colonel Joeresty Coronica, head sang Regional Personnel and Records Management Division.
Si Coronica, ang nagbulos sa gin-relieve nga si Police Colonel Leo Batiles.
Ginbuslan naman si Coronica ni former Capiz Police Provincial Office Director Police Colonel Wilson de Belen.
Sa interview sang Bombo Radyo kay Police Brigadier General Leo Francisco, Director sang Police Regional Office 6, iya ginpahayag nga mismo si Iloilo City Mayor Jerry Treñas ang nagmandu sa pagpa-relieve kay Batiles.
Nagpanawagan man si Francisco nga suportahan ang bag-o nga director sang Iloilo City Police Office.
Nagalaum naman si Francisco nga tumanon sini ang ginalauman sa iya ni Mayor Treñas.
Lakip sa ginalauman sa iya amo nga pabaskugon pa ang kampanya batuk sa iligal nga droga.
Samtang, kadungan sang turnover of command ceremony, ginkumpirma ni Francisco nga ginpang-relieve ang tanan nga personnel sang Mandurriao Police Station bangud nga indi siya kumbinsido sa performance sang mga ini.
Hatagan niya sang isa ka semana si Coronica nga pang-islan ang tanan nga police personnel sa idalom niya.
