Nagapati si Senate Minority Leader Aquilino “Koko” Pimentel III nga tubtub sa masunod nga henerasyon ang kinahanglan magbayad sang utang sang Pilipinas pananglitan ipilit gid nga ipasar ang proposed Maharlika Investment Fund.
Ini nga pahayag ni Pimentela ang baliskad sa pahayag ni National Treasurer Rosalia De Leon nga mabuhinan ang utang sang Pilipinas kun ipasar ang amo nga kontrobersyal nga hagna.
Suno sa senador, sa idalom sa sini nga hagna, ginahatagan sang gahum ang Maharlika Investment Corporation nga mangutang.
“Kung talagang kumbinsidong itong mga nagpanukala ng Maharlika Investment Fund, bakit kailangan nila ilagay ‘yung kapangyarihan na ‘yun na mangutang sa korporasyon? Alisin nila ‘yun para makita natin how confident they are,” pahayag sang senador.
As of November 2022, nagsaka sa P13.6 trillion ang utang sang Pilipinas.
Ang hagna nga nagaduso sa Maharlika Investment Fund ang gin-file sang mga kaalyado ni President Ferdinand “Bongbong” Marcos Jr. kag naaprubahan na sang Kamara ang bersyon sini sang nagligad nga Disyembre. ##
