Nagapati ang Communist Party of the Philippines nga kun mabutang na sa pungsod ang dugang nga local bases sang American troops, pat-od nga madalahig gid ang Pilipinas kun may gyera na sa tunga sang China kag sang Estados Unidos sang Amerika.
Suno kay Communist Party of the Philippines Chief Information Officer Marco Valbuena, ang pag-abot ni US Defense Secretary Lloyd Austin III sa Pilipinas sang damlag lang ang kabahin sang strategy sang Amerika agud nga maka-preparar sang war theater batok sa China.
Sa pagbisita ni Austin, nagpasugot ang Pilipinas nga dugangan sang apat ang local bases sang Amerika sa pungsod sa idalom sang Enhanced Defense Cooperation Agreement kag nakasugtan man nga i-resume ang joint patrols sa West Philippine Sea.
Bangud diri ang base sang operasyon sang Amerika, posible suno kay Valbuena nga amo ini ang mangin target sang mga hinganiban sang China.
Una na nga ginpahayag ni Defense Secretary Carlito Galvez Jr. nga ang nga mga tikang sang Philippine Government ang kabahin lang san
