Magalawig sang duha ka semana sa Turkey ang ginpadala sang Pilipinas nga search and rescue team.
Sa interview sang Bombo Radyo kay Office of Civil Defense Joint Information Center head Diego Agustin Mariano, udto kahapon sang nag-abot sa Istanbul ang 82 ka myembro sang team nga gin-deploy sang Philippine Government.
Suno kay Mariano, lakip sa team ang mga personnel halin sa Office of Civil Defense, Armed Forces of the Philippines, Metro Manila Development Authority, Subic Bay Metropolitan Authority, kag emergency medical technicians halin sa Department of Health.
Lakip sa ginpangdala sang rescue team amo ang mga panapton kag sleeping kits para sa winter, kag amo man ang hygiene and sanitary kits nga gin-provide sang Office of Civil Defense kag may bulig man halin sa private sector kag local government units. ##
