Gin-invite ni President Ferdinand ‘Bongbong’ Marcos, Jr. ang imperial couple sang Japan nga magbisita sa Pilipinas.
Kadungan ini sang oportunidad nga ginhatag sa presidente kag kay First Lady Liza Araneta Marcos nga makaatubang kanday Emperor Naruhito kag Empress Masako sa ikaduha nga adlaw sang working visit ni Marcos sa Japan.
“This afternoon, the First Lady and I also had the distinct honor of having an audience with Their Majesties The Emperor [Naruhito] and Empress [Masako] of Japan… We had a memorable conversation and I deeply appreciate the Imperial audience accorded to me and the First Lady. I have extended an invitation to Their Majesties to visit the Philippines at the most convenient time,” suno sa presidente.
Sa iya speech kadungan sang documents exchange ceremony kaupod sa Philippine kag Japanese officials sa Prime Minister’s Office, gin-imbitahan man sini si Japanese Prime Minister Fumio Kishida nga mag-return visit sa Pilipinas.
Antes sini nga speech, naka-secure na ang delagasyon sang Pilipinas sang binilyon ka pesos nga balor sang investment pledges halin sa Japanese companies nga ang mga negosyo naga-sentro sa semi-conductors kag electronics kag wiring harness nga ginalauman makahatag sang 10,000 ka mga trabaho sa mga Pinoy.
Apat ka adlaw ang official working visit ni Marcos sa amo nga pungsod kun sa diin indi magnubo sa pito ka key agreements ang napirmahan sa areas sang humanitarian assistance kag disaster relief, infrastructure, agriculture kag digital cooperation. ##
