Iloilo – Nagsabat na ang punong barangay sang Barangay Bugtongan, Dueñas, Iloilo matapos sini gintapungol ang bana sang isa ka babayi bangud nagpamalibad ini nga mag-bayle.
Ang ginreklamo amo si Punong Barangay Danny Pedregosa samtang, ang nagreklamo naman sa Bombo Radyo amo si Dialyn Pedregosa, residente sang amo man nga barangay.
Kun balik-balikan, natabo ang insidente kadungan sang ginaselebrar nga fiesta sang Enero 21, 2023.
Sa interview sang Bombo Radyo kay Pedregosa, iya ginpahayag nga nag-istorya lamang ini kay Dialyn kun sa diin ginhingyo niya ini nga baylehon ang kaupod man nga punong barangay.
Ginpahayag sang natungdan nga wala niya ginbastos si Dialyn bangud nakit-an niya lamang ini nga nagasaot rason nga naghingyo sang honorary dance.
Suno kay Pedregosa, wala man kuntani sang problema kun indi gusto ni Dialyn, apang sa depensa niya, gulpi nalang nga nagdalagan ang bana sang babayi sa iya direksyon kag gintapungol siya una.
Diri na suno sa punong barangay kag nag-umpisa ang komosyon sa tunga sang duha nga nagresulta sa pag-angkon sang bana sang pilas sa idalom sang mga mata.
Suno pa sa punong barangay, indi na kuntani magdako ang problema kun naistoryahan sang kalmado.
Bukas naman si Pedrogasa para sa aregluhanay.
