Maga-donar ang Kamara sang $100,000 ukon katumbas sang masobra P5.4 million sa mga biktima sang linog sa Turkey.
Kuhaon ang pondo sa idalom sang House of Representatives Speaker’s Disaster Relief and Rehabilitation Initiative.
Si House Speaker Ferdinand Martin Romualdez ang magahatag sang amo nga assistance kay Turkish Ambassador to the Philippines Niyazi Evren Akyol subong nga adlaw sa iya opisina sa Batasang Pambansa complex sa Quezon City.
Gin-cite sang house speaker nga tuman ang pagpasalamat sang Pilipinas sa Turkey bangud nagbulig ini anay sa mga biktima ni Super Typhoon Yolanda sang Nobyembre 2013.
Magluwas sa sini nga financial aid, matandaan nga nagpadala man ang Philippine government sang inter-agency disaster response team sa Turkey.
Nagpadala ang Department of Health sang 31 ka medical personnel, samtang may 30 naman ka mga soldado halin sa Armed Forces of the Philippines. ##
